ฟังลำกลอนพระพุทธเจ้าออกบวช ตอนที่ 2 (หญิง) โดยหมอลำสมัย พันธ์โบ และหมอลำเดือนฉาย หล้าบุดดา
ลำยาวพระเจ้าออกบวช ตอน 2
แสงจันทร์จ้านภาไขใกล้สว่าง พระองค์นั่งนอนบ่ได้ในห้องส่องพระแก แลไปพุ้นเห็นพิมพาแก้มจุ่นวุ่น กอดลาหุลมิดอิ้งติ้งบ่ตีงแท้แม่บักหำ พระสั่งช้ำพี่สิจากพิมพา เอาลาหุลอย่าสิป๋าเดอหล้า เผยวาจีเว้าหันหลังไปไหว่ ๆ ลงไปหาบ่ช้าฉันเอ้ยให้ตื่นไว พระบาทไท้เอิ้นบอกนายฉัน ไว ๆ ฉันอย่าสุนานมันช้า ฟังเสียงม้าแหมดังฮาดๆ พระสีธาตุขึ้นขี่ม้าฉันเอ้ยผัดจองหาง ทางตีนม้าเทวดาได้ชูส่อย หอเชิ่นขึ้นเมือฟ้าเจ้าดังหง ตรงไปหน้าอะเมชอนบ่อนลงจอด พอมาฮอดฝั่งน้ำลงม้าเจ้าย่างมา อินทร์เผาผ้ามาถวายสังฆาห่ม พระพรเอาบาทน้อม ถวายให้หน่อธรรม งามเลิดล้ำตัดเกตเกศา เวิ้นฉันมาสั่งความไขข้อ บ่ต้องลอเฮาเด้อ เดอฉันพระองค์สั่ง กับคืนวังบอกพิมพาว่าบวชแล้วจำไว้ อย่าสิลืม ฉันฉันกราบก้มเอาหัวใส่พระราชา ฉันขอลากับวัง หลั่งน้ำตากับม้า ตาวันขึ้นสามโมงแดดแก้ จูงม้าแวแว่เข้าหันหน้า อ่วยมา ฉันบ่ช้าบ่แบกเอาอานบักสีลาน ตามหลังหลั่งน้ำตาเจ้าลงย้อย บ่หวังคอยสิเห็นหน้ากับคืนมาเจ้าเหลียวเบิ่ง หยังกะหลุบเอิ่งเทิ้งใจเจ้าหง่วมเหงา ฉันสั่งเจ้าเหลียวเบิ่งเมฆามือวันยู่เดียวเดินดั้น ฉันหิวน้ำสามโมงแดดแก่ แวหาทางบ่อนเลี้ยวเหลียวเข้าสู่วัง ฟังเสียงเขาขันก้องจุกกู
หมอลำกลอน (ฝ่ายชาย): นายสมัย พันธ์โบ อำเภอเขมราฐ จังหวัดอุบลราชธานี
หมอลำกลอน (ฝ่ายหญิง): นางเดือนฉาย หล้าบุดดา อำเภอโพธิ์ไทร จังหวัดอุบลราชธานี