ฟังลำกลอนล่อง สีชาติ พิมพา โดย หมอลำอุดรชัย จันทวลี และหมอลำแพงศรี จันทวาลี

กลอนลำล่อง สีชาติ พิมพา

มาบัดนี้นางสิจาในเรื่องนิทานธรรมคำหล่อง สมมุติตางนาดน้องเป็นแก้วมิ่งมะเห อกสะเหนนอนห่องเตียงทองเคี้ยงก่อม สาวสนมกะอยู่ล้อมสาวใช้ตั้งหมื่นคน ความจนหรือความแค้นแสนพันปีบ่มีผ่าน บุญกุศลผลทานตั้งแต่คาวครั้งนั้นยังหมั่นคอยครอง นางอยากถามตอนพี่ชายป๋าน้องคาวเป็นแม่ลูกอ่อน ตอนพี่ชายหนี้ไปบวชลืมสร้างเป็นหยังอ้ายบ่สั่งนาง ป๋าน้องเป็นแม่ฮ้างช้ำผัดเหล่าทนทุกข์  อุกหัวใจนางลำฮ่ำคะนิงถึงอ้าย คิดไปหลายหมองมั้วตัวผนางจนเหลืองหล่า พายน้ำตาทุกข์ค่ำเช้าเหงาง่วงห่วงพะทัย คาวพี่ไลลาถีมแลงงายกะดายเป่า เอาแต่ลูก่อนน้อยแพงล้านขึ้นพางเภา เจ้านั้นลักลอบลื้หนีจากพิมพา บ่โศกานำนางส่างมีบ่เคยพ้อ ขอแต่เหนือเจ้าจอมบุญทูลเกษ เล่าสาเหตุให้ฮู้เรื่องมันเคืองเจ้าบ่จั่งใด๋ ว่าโอเคนางสิไฮฮนให้หาพี่ชายอยู่ในบ่อน กับลาหนลูกอ่อนมันบ่อขายบ่ออ้ายป๋าให้น้องเฟี่ยวฟอย อันว่ากุมารน้อยลงหนบ่ถันใหญ่ ไผสิมาส้อยอุ้มตอนนี้ให้ฮ่ำฮอน ตอนพี่หนีป๋าน้องพิมพากะนอนอยู่ เหตุอย่างใด๋มาบ่ฮู้พระอวนอ้ายมาหน่ายแหนง แรงงายเช้าสนมบางกะจัดแจ่งแต่เป็นพาเรียบร้อยกวนเจ้าแหม่นสู่ยาม แนวว่าถามพะคุณนั้นมันเป็นของธรรมชาติ อ้ายนั้นคิดหน๋อตื้นหนีเว้นฝ่ายกาม มาบ่ถามถึงน้องเมียแพงผู้นอนฮ่วม ควมเล็ก ๆ น้อย ๆ บ่จาต้านต่อพนาง คาวน้องเป็นแม่ฮ้างช้ำผัดเหล่าทุนทุกข์ อุกหัวใจนางลำฮ่ำคะนึงถึงอ้าย คิดไปหลายหมองมั้วตัวผนางจนเหลืองหล่า ผายน้ำตาทุกค่ำเช้าเหงางว่วงหง่าวมพระทัย คาวนี้ไลเสียถีมแลงงายกะดายเป่า เอาแต่สักลูก่อนน้อยแพงล้านขึ้นผ้างเผา เจ้านั้นลักลอบหนีจากพิมพา บ่โศกานำนางส่างบ่มีเคยพ้อ ขอแต่เหนือหัวเจ้าจอมบุญทูลเกษเหล่าสาเหตุให้ฮู้เลี้ยงมันเคืองเจ้าบ่อนจั่งใด๋ นับมื้อไกลไปหน้ามาคือกาพากไข่ ชาติสิมาขอให้อ้ายนี้ให้นำน้องดั่งสะนี เว้าให้มีหลักอ้างคือนางนั้นเด้อพี่ ลำกลอนนี่ลันคนเฒ่าเผิ่นเบื่อหู ชักวัตถุไปตามพื้น ครองธรรมเผิ่นเทศ เหตุและผลให้พี่เว้าลาวเรื่องแหม่นเรืองกอน สมมุติอ้ายและน้องเป็นดั่งผัวเมีย คาวเมื่อนอนหอฟ้าฮ่วมพระนางอยู่ในมุ้ง คือบ่แนวยุงลุงลังจ้ามีแต่นอนก่อมกิ้งชมแก้มแจ่มสวรรค์ บ่สงสารลูกอยู่อยู่กลสงสารม่วนน้องแน่ตี้อ้ายจั่งแหม่นคน ยามเมื่อฝนตกย้อยกอยผทีผหลิ่งหล่ำ ค่ำแลงมาฟ้าฮ่ำฮ้องน้ำตาน้องแหม่นหยาวไหล องค์พระศรีธาตุไท้ให้โตพี่เด้อสมมุติต่อให้สุดนทานอ่านกลอนให้คนฮู้ ผู้ที่เป็นแฟนอ้ายคือนางนั้นเด้อพี่ มีคำกลอนบ่แล้วเจ้าขอเชิญเว้าให้เผิ่นฟัง

หมายเหตุ : กลอนลำอาจไม่ตรงกับเสียงที่หมอลำร้อง อาจเปลี่ยนไปตามลีลาของหมอลำแต่ละคน

หมอลำกลอน (ฝ่ายชาย) : นายอุดรชัย จันทวลี อำเภออุทุมพรพิสัย จังหวัดศรีสะเกษ

หมอลำกลอน (ฝ่ายหญิง) : นางแพงศรี จันทวารี อำเภอกุดข้าวปุ้น จังหวัดอุบลราชธานี