ฟังลำกลอนบอกชื่อศรัทธา โดย หมอลำไข สิงโส และหมอลำสมภาร แสงแดง

กลอนบอกชื่อศรัทธา

ฟังเด้อเจ้าคุณพ่อศรัทธา พวกหมอลำกะมาพ้อมกันทั้งคู่ฟังก่อนหมู่พี่น้องป้องปายทั้งพวกเจ้าพวกนายฟังกันคับคั่ง พวกพี่น้องป้องทั่งยังบ่เข้าใจ บางคนยังสงใสขาในขานอก จักสื้อจังใดดอกหมอลำกะดี่ โตกะผมนี้ตี้หมอไขเด้อพ่อมื้อนี้มาสู้ต่อกับหมอผู้หญิง นี้ละครับหมอลำใขโตจริงบ่แม่นอวดอ้างผู้ศรัทธาไปจ้าง บ่บ่งคงโตบ่แม่นหมอโหลๆ ขี้กาขี้ไก่ สมกับเป็นหมอใหญ่ชื่อก้องเวหาเบิ่งเอาสาทางสูงทางต่ำคนบ่ขาวบ่ก่ำบ่อ้วนบ่พี่ เบิ่งเอาตี้เบิงเอาให้คักถ้าพวกเจ้าบ่มักะอย่าพ้าวทันตี้ ถ้าผมลำบ่ดี่ขออภัยนำแน่เด้อยาแม่พี่น้องป้องปาย ขอทานนำหลายๆ ถ้าผมลำบ่ม่วน ฮอดบ่อหน่วนกะหน่วนสมมักสมหมาย รอฟังไปเด็กมาชิเหล่ง เขาเก่งผมเก่งเข้าชกผมถอง ฮอดยกหนึ่งยกสองยกสามยกสี่ พอขี้กะชิขี้พอโคมกะโคม พอโจ่มกะชิโจม พอทังกะชิทัง ให้เหมื่อนมวยสังขึ้นสู่เวที ยกที่แรกอี่หลีเบิงลายสาก่อน ยกต่อไปจั่งป่อนหมัดออกจังๆ เล่นศอกหน้าศอกหลัง ศอกคู่ศอกเดี่ยวเอาให้ขี้กับเหยี่ยวไหลออกเป็นเลา บ่โตกะเฮาบ่เขากะเผิ่น ลอฟังเกิ่นยาพ่อศรัทธม รอถ้าฟังคารมแอ๊กทางแอ๊กท่ารูปกะบ่สง่าดอกหมอผู้ชาย บ่คือหมอคุณนายร่างกายเผิ่นผึ่งเลือกนางงามเผิ่นกะได้ที่หนึ่งพุ้นตัวนออาวได้รางวัลถ้วยขาวสองใบหล่องส่อง ผมนี้รูปบ่บ่องผีปั้นหลูดมื่อ มันกะใดชิคือนางงามนอแม่เบิ่งเอาแน่บอนใดกะดาย เบิงไปหลายลายดำอื่ดลื่ดโตกะดำอื่ดลื่ดโผ่นเขี่ยวปานลิง บ่คือหมอผู้หญิงขาวปานไข่ไก่ ทาดพะนมกะใหญ่เต็มเอิกเต็มอาง ของผมหยั่งบางๆ โจ๊ดโลด จักแม่นนมหน่อโจดอีหยั่งนอลุง จังบ่ใหญ่บ่สูงคือของเขาหน่อเบิ่งต่อๆทรวดทรงองแอวเบิ่งเป็นแถวลงไปท้องน้อย พัดชิเห็นบ่อนห้อยต่องแต่งสองอันส่วนขวดน้ำมันจันบ่ต้องเอามาหว่าเพาะเป็นของมีค่าของคำของคูณไว้ถ้าเปิดเอาบูนบ้านหนองหย่ำเต่าเบิ่งหัวเข่ากกแบ่งก๋กขาเบิงจังหวย บาดลำบาดฟ้อนบาดโหยบาดย้อน แบบช้างเทียมเง่า มันชิถื่กกับเขาอาจารย์หรือบ่ รูปบ่งามกะส่างเทาซะนอพ่อ ว่าตั่งแต่ลำดี่เบิ่งเอาตี้นี้ละคนงาม ช้างดูสองข้างแอวบางข๋องแข่งแอวเป็นสี่ด้องแด้งพอใช้สู่แนวแอวมันนั้นหมู่มันกะบ่ท่อว่าแต่จับแล้วหย่อโลดเห็นฟ้าท่อแขน

หมอลำกลอน (ฝ่ายชาย) : นายไข สิงโส อำเภอโพธิ์ไทร จังหวัดอุบลราชธานี

หมอลำกลอน (ฝ่ายหญิง) : นางสมภาร แสงแดง อำเภอโพธิ์ไทร จังหวัดอุบลราชธานี

หมอแคน: นายโม สุขแดง อำเภอโพธิ์ไทร จังหวัดอุบลราชธานี