ฟังลำกลอนทางยาวล่องโขง โดย หมอลำไข สิงโส และหมอลำสมภาร แสงแดง

กลอนลำทางยาวล่องโขง

เบิดแต่ลำทางสันหันมาทางล่อง ลำล่องมูลล่องชี หมู่เขาล่องเลียนแล้วตนข่อยสิล่องโขง เขมราฐอยู่ช้ง ๆ โขงกะผ่านไหลมา เป็นบุญตาของเฮาได้อาบสีลงเล่น เป็นที่เย็นสะออนแท้ ชาวไทยอยู่ตามฝั่ง บ้านนาเมืองอยู่ใต้ไปหั่นโลดบ่ไกล บุ่งข่องบุ่งขี้เหล็กอยู่ได้ติดต่อกับนาแวง ยามมื่อแลงมองดูสู่ทางแถวถ้ำ ลำโขงกว้างเหลียวดูพอแจ่งแห้งเห็นแต่แก้งก่วยแก้งพอน้ำขึ้นเวิ้น แก้งหนึ่งนันเขาเอิ้นแก้งใหญ่พะละกาย บ้านนาทรายแคมของระหว่างดอนพี้มายแท้ เฮามาแลดูน้ำยามมื้อแลงใสแจ่งแห่ง บ้าปากแสงอยู่ฝั่งขวาปากตะพานอยู่ฝั่งซ้าย ไปหั่นโลดบ่ไกล บ้านปากแซงนี้พระเจ้าใหญ่องค์ศักดิ์สิทธิ์ เถิงละดูเดือนสามหมู่คนพระนมไหว้ แลลงไปทางใต้คันพะลาน น้ำโตนตาดฟังเสียงทาด ๆ น้ำลงแก้งแก่งกะเบาฟังเสียงคนเข้าเว้ากางของตึกกวดเรือใหญ่ ไหลล่องแก้งคาค้างป่อยบ่ลง ลำโขงยาวหลื่อล้นชลธารเป็นหลายแห่ง หินแห่บังเกิดก้อนเป็นแก้งใหญ่ ลวงเสียงฟองแกมเสียงแก้งดังแฮง ๆ ก้องสนั่นเรือกำปั่นไปบ่ได้คาค้างตะฝั่งของแล้วจังเลียวไปห่องทางสองคอนไต้ถ้ำไหล่เห็นแต่ไม้เกิดชอนข้างตะหลิ่งเนินแชว ๆ เสียงคนเอิ้นยามมื้อแล้งลงท่าแสงตาอ้ายหล่ำสิ่งลำน้ำตะลิ่งของแลลงไปปากบ้อง ติดต่อดอนหมากเกลือเจื่อระเนื่อลงลัดหาดสลึงอยู่ทางใต้ เบิงมันไหลลงแก้ง ยามมื่อแล้งเกินสง่าบ้านท่าคันชุมชัดผัดอยู่ใต้ไปหั่นโลดบ่ไหลอยู่ข้างใต้แก้งใหญ่สะเลกอน ตาออนชอนมันดังสนั่นเนื่องดังต้ามยามฝนแล้งดังแฮง ๆ ก้องสนั่นใจกะสันเบิงแก้งแยงแล้วกะชื้นใจ อยู่ข้างใต้ปากห้วยม่วงสำโรงแม่น้ำโขงไหลลัดสู่วันแลงเช้า เฮาจังเลียวไปถ้ำทางผาชันดงนาปากลา ปากห้วยเดื่อเจื่อระเนื่อตั่งแต่แก้งหิ่นช้อนโลดกายกัน เบิ่งเข้าพันกันตามช้งตามริมโขงเกาะก่ายหลายโพดนอ ตั่งแต่แก้งแยงแล้วเปิดบ่เป็นเห็นแต่หีนมันช้อนชอนกันเป็นโง่นๆ ก้อนท่อโพน่อเล้าคื่อเจ้าชิหนังคอย สอยวอยเหลียวลงไต้กลหูชันคันตะเกียนแก้งใหญ่น้ำมันไหลราบรื่นเป็นคลื่นกะทอกัน ฝั่งถ้ำนั้นเป็นเข็ตถี่นดี่นลาว จักสวนยาสวนพริกตะฝั่งของริมห้วย จักสวนมอนสวนกล้วย สวยรวยเป็นหย่านเมืองโขงเจียม บ้านด่านตังอยู่ทางฝั่งนี้เป็นหมู่บ้านไทยน้ำมูลไหลมาขั่นจุดกันเป็นสองแห่ง ยามมื่อเช้ามื่อแลงผู้สาวลงอาบน้ำเป็นหน้าไข่สะออนเห็นแต่ไม้เกิดช้อนตามตะฝั่งริมโขง จักเรื่อแจวเรื่อพายสวนกันอยู่ในน้ำมีเรื่อยามเดินลงขึ้นทหารไทยรักษาที่ มีแม่น้ำสองสีฝูงคนมาเที่ยวเล่นเห็นแล้วกะชื่นใจ อยู่ข้างใต้บ้านกุ่มสมดีบ้านเวินบึกเวินไซบ้านใหญ่ ๆ น้อยตามข้างตะฝั่งโขง มีหลายคดหลายโค้งร้อยโต่งพันโขง บ้านดอนขอดอนโคต่อกันลงใต้ น้ำมันไหลตีก้อนเกาะดอนเป็นหลายแห่ง บ้านกะตื้นบ้านแกสารพัดหมู่บ้านหลายล้นนับบ่ไหว อยู่ข้างใต้บ้านสะผ่ายดอนโขง มี่บ้านโยงยางหนื่อต่อกัน ลงใต้น้ำมันไหลตีก้อนเกาะดอนเป็นหลายแห่ง บ่อนไหลค่อยไหลแฮงแก้งใหญ่น้อย มันหลายร้อยนับบ่ไหว นานวลใน

หมอลำกลอน (ฝ่ายชาย) : นายไข สิงโส อำเภอโพธิ์ไทร จังหวัดอุบลราชธานี

หมอลำกลอน (ฝ่ายหญิง) : นางสมภาร แสงแดง อำเภอโพธิ์ไทร จังหวัดอุบลราชธานี

หมอแคน: นายโม สุขแดง อำเภอโพธิ์ไทร จังหวัดอุบลราชธานี