ฟังกลอนสอนศีลธรรม (ฝ่ายหญิง) โดย หมอลำไข สิงโส และหมอลำสมภาร แสงแดง

กลอนสอนศีลธรรม

ฟังเด้อท่านศาลากลางพ่อแม่ ตลอดทั่งหนุ่มน้อยสาวจ้อยจอจี ทุกมื้อนี้เจริญใหญ่ไทยรัฐ พัฒนากันไปทั่วดินแดนด้าว ชาวไทยได้จะเจริญไปก้าวหน่าการศึกษาก็ก้าวเจริญขึ้นกว่าหลัง ศีลธรรมตั่งในใจให้มันแน่ ศาสนาแผ่กว้างเจริญได้ต่อไป เผินบอกไว้ไปข้อใหญ่ใจความ สำรวมลงในศีลฝ่ายใจทำไว้ กายวาจานั้นบ่หันไปหลายต่าง ศีลนันเป็นข้อห้ามอย่าทืนดื้อล่องเกิน เผินบอกไว้สอนสั่งเรามา พระสัตถาโคดมผู้ทรงคุณล้นหวั่งให้คนเราได้รักษไปสืบต่อ พอเป็นจารีดไว้ให้ถือหมั้นแก่นสาร ทำทานพร้อมเทของแจกจ่าย ให้แก่สงฆ์พระเจ้า ลุงป้าย่าหลาน สงเคราะห์พวกเพื่อนบ้านคณะญาติปองชนเพื่อผลชูชักส่งเมือเมืองฟ้า บัดดาท่านทำให้ทานแจกจ่าย เมาแต่สุกเสี่ยงไว้แนวนั้นบ่ดี เงินคำนี้มีมาก็เป็นไผร ให้เจ้าไปทานฝากคลั่งออมไว้ ส่อนสามเอาไปใช้ทำทานแจกแบ่ง แปลหนทางขึ้นฟ้าเมือหน้าต่อไป พุธศาสบอกไว้ชี้บอกแปลทาง ศีลทำเป็นทางเดินปวงไปสวรรค์ฟ้า ไผรักษาศีลในใจบ่มีแว่ บ่ว่าแต่ผู้เฒ่าทำได้สู่คน อายุเราผ่านพ้นเข้าสารา อย่าพากันนอนใจให้หมั่นเพียรเตียมตั่ว พากันเข้าไปจำศีลฟังเทศน์ ละกิเลศชั่วชาหาไว้ฝ่ายบุญ ชีวิตหน้าฟุงผลส่งนำสนอง ไผอย่ามองไปหาหมู่กรรมเวรฮ้าย ศีลธรรมไว้ในใจให้มันเที่ยง อย่าหาทางหลีเลี้ยงเวรเข้าใส่กรรม ไผล่วงล้ำทำแต่กรรมเวร มันสิเป็นเวรอย่าทำจำไว้ เอาใจตั่งฝังลงทางศีล ถือคำพระเจ้าลงไว้ใส่ใจ ไผอยากได้บุญพากทำเอา อย่าสิเมาไปหาหมูกรรมเวรต้อง คลองทำนั้นพากันจดจ่อ ขอให้คุณพ่อเจ้าจำไว้ใส่ใจ ไปคราวหน้าผลานำคำส่ง อนิสงค์ส่งยู้ชูขึ้นสู่สวรรค์ พากันสร้างศีลธรรมเด้อแม่ตลอดทางแก่เฒ่าลุงป้าอย่าหลง

หมอลำกลอน (ฝ่ายชาย) : นายไข สิงโส อำเภอโพธิ์ไทร จังหวัดอุบลราชธานี

หมอลำกลอน (ฝ่ายหญิง) : นางสมภาร แสงแดง อำเภอโพธิ์ไทร จังหวัดอุบลราชธานี

หมอแคน: นายโม สุขแดง อำเภอโพธิ์ไทร จังหวัดอุบลราชธานี