ฟังลำกลอนยาวลา (หญิง) โดย หมอลำไข สิงโส และหมอลำสมภาร แสงแดง

กลอนยาวลา

โอละนอพอแต่เบิงเวลาแล้วการลำสิเอิ้นสั่งทั่งผู้ยืนผู้นั่งหยับเข้ามาไกล่ ๆ มาฟังข่าสิล่องลา ลาก่อนเด้อแม่ป้าผู้เพิ่นนั่งอยู่ผามเพี่ยน ไผได้ฟังเสียงลำค่ำคืนให้วันนี้ บ่อนใด๋ดีใด๋ร้ายบันละยายบ่ถือป่อง มันผิดหูพี่น้องอภัยให้แน่เด้อ ลาวเทือเผอปากเว้าคำหยาบสกปรก บ่อนได๋มันล่งชาบทิ้งเสียอยางเอาไว้ คิดว่าฟังลำนี้เป็นเสียงปะโลมโลก เอาจริงจั่งหยั่งบ่ได้ฟั่งให้ม่อนเพลิน การฟั่งลำและฟ้อนคิดว่าความสนุก พอให้มันหายทุกข์ม่วนผ่อนคายหายเอ้า ลาละเด้อคนเฒ่าสะลาการหลานสิสั่ง ฝากแน่เด้อความรักฝากแน่เด้อความหวัง ทั่งคุณลุงแม่ป้าหลานน้อยคอยอยู่ดี จักหน่อยหนีเราสิจากกันไป มาอุกใจหลายเด้ปานเทอลำลงฮ้าง ลาละเด้อ ๆ ท่านผู้ทำบุญสร่างก่อ เป็นเข้าถ่งเด้อเพือเป็นภายชาติหน้าพลานคำช่วยชู ขอให้บุญส่งยุ้งขึ้นสู้ชูเถิงสวรรค์ ผู้ทำทานกะคือกันส่วนกุศลกะพลอยได้ ทานพอใจใสเหลือมศรัทธาเอ๋ยให้กล้าแก่ ลาก่อนเด้อคุณพ่อลาก่อนเด้อแม่นั่งอยู่แจข้างนั้น หลานน้อยกะนั่งนำ ลาไปหมดทุกก่ำอายพี่ผู้มีเมีย นั่งอยู่ทางแจเหนือตืนนอนยามเช้า เหลิงดูชงสีหน้าคือเป็นสีหล่าๆ พากันลุกม่าเข้ากันแล้วบ่จั่งมา ลาก่อนเด้อแล้วคะผู้บาวทิดหรือจาน พี่ทหาร อบต. พี่กำนันพร้าม ลาละเด้อคนผ่อนลาละเด้ออ้อนคนสวย ๆ คนขี่เล ลาตาบอขาเข้ลาไปหมดถั่วหน้าลาคุณป้าพ่อลง ลาทั่งฝุ่งสำน้อยขึ้นใหม่วัยคนอง ลาครูบาอาจารย์ตลอดสำมะเณรน้อย ผู้ได้ฟั่งลำข่าสิแถมพรอีกก่อน สิแถมส่งท้ายยามสิย่านอยาหนี ขอให้สุกขีล้นเป็นคนแสนประเสริฐ บารมีให้แก่กล้าคนแม่นนับถือเด้อคุณลุง ละนะ

หมอลำกลอน (ฝ่ายชาย) : นายไข สิงโส อำเภอโพธิ์ไทร จังหวัดอุบลราชธานี

หมอลำกลอน (ฝ่ายหญิง) : นางสมภาร แสงแดง อำเภอโพธิ์ไทร จังหวัดอุบลราชธานี

หมอแคน: นายโม สุขแดง อำเภอโพธิ์ไทร จังหวัดอุบลราชธานี