ฟังลำกลอนเบ็ดเตล็ด (หญิง) โดย หมอลำบัวดี คนเที่ยง และหมอลำบัวเลื่อน ยาหอม

กลอนเบ็ดเตล็ด 

พร้อมว่าแล้วสิชวนพี่บุญขวัญ ชวนพี่ชายเดินลัดใส่ดงดอนด้าว ถกขาก้าวสาวกลอนเด็นใส่ สาวบัวเรียนแห่งได้ทางเผิ้นผ่องเดินเอิ้นสั่งชู้ผู้อยู่ทางหลัง คอยอยู่ดีเด้อหวังฝ่องแผ่วแทวน้ำ ยามชายได้เมียแฝงกลิ้มกร่อน ขออย่าลืมม่อมน้องนางน้อยผู้พรอยขึ้นโคกค่อยคืมข่าขาแขม จั่งว่าแขมแจ่มเล่าป่ากระเดาแกมเปิ้ง จั่งว่ามีเพลงร้องทำนองแบบใหม่ เพลงสากลว่าไว้ฟังได้ง่ายดี (ได้ยินเสียงดนตรี สาวนางลำพึง เมื่อฉันเดินคิดถึงลำพึงสากล) ลิงโตนตู้มลงกุมอ้ายช่าง หางมันเงิ้งเท้อเล้อ เอาขึ้นใส่หัว บัวบานบ้างหนองยางเปิงเชิง แลเห็นเลิงบ่อน้ำไหลเชี้ยวแบ่งคอน จอบแล้วจ้อนจาต่อนอนาย อุปมาคือเกสรจากนครเมืองบ้าน สาวนางต้านเป็นทางจ่างป่าง เจ้าผู้ตระต่างหล่างสิไปบ้อเที่ยวไพร ไปเบิ่งไม่ในป่าจันทรหอม หานทางฮอมค่อยแคงเคียงย้าน ไปหน้ออ้ายสายตาฟ้าก่อง หว่าแล้วยอกระแย่งเต็นตามเกิ้ยล่วงเลย เต๋ยตาวต้นตุมตั๋งเตี่ยต่ำ ลำกาเต็นก้อนแอวย้อนแอ่วย้อนใสแคน คิดคั่งแค้นแสนโสกมโนนึก ได้ยินเสียงดังคึก ย่าวโยนเสียงฟ้า มาเด้อพี่สาวนางสิพาด่วน เบ็ดตะเล็ดเหล่าส้วน ชวนอ้ายแวนอน เจ้าผู้สีบาลเลิงเบิ่งพระนางลำเต้น ลำอีหลีลำเล่น ลำเป็นหลายท่ามีจั่งหวะร้อยแอวเข่าใส่กัน

หมอลำกลอน (ฝ่ายชาย) : นายบัวดี คนเที่ยง อำเภอโพธิ์ไทร จังหวัดอุบลราชธานี

หมอลำกลอน (ฝ่ายหญิง) : นางบัวเลื่อน ยาหอม อำเภอโพธิ์ไทร จังหวัดอุบลราชธานี