ฟังลำกลอนทางสั้นสมัยใหม่ (หญิง) โดย หมอลำบัวดี คนเที่ยง และหมอลำบัวเลื่อน ยาหอม

กลอนทางสั้นสมัยใหม่ 

ฟังเด้อไท้สมัยไทยแบบใหม่ คันไผไปเดินดงเผิ่นว่าคนเกิดบ้า บ่หาสร้างถิ่นฐาน รัฐบาลเผิ่นนั้นว่าให้สร้างฮั้วปานสวนมอน การกินนอนสังคมค่อยระดมเอาบ้าง การงานสร้างกสิกรรมปลูกป่าน ประชากรปลูกสร้างบักแตงช้างฟักทอง พวกพี่น้องอย่านิ่งอยู่นอนเฉย คันมี่เขยอย่าอาศัยกินนำแต่เขาหลายเด้อท่าน การงานสร้างอย่าลัยลาป๋าปล่อย หน่อยเข้าป๋าทิ้มไว้สองเฒ่าสินั่งเหงา คิดเบิ่งเด้อ คิดเปิงพวกหมู่เจ้าตั้งแต่อ่อนยังเยาว์ได้เอาหยังมาแม่โตจนเฒ่า เกือหรือเข้าอาหารกินปิ้งจี่ ให้คิดเบิ่งถี่ได้เอาไปสู่มื้อชั้นบ้อแล้วพ่อลุง ปลาและกุ้งเนื่อแจวแผวผักสามปีเนินนานพักจั่งค่อยมาคอยเยี่ยม เอาเขยมากระอยากเตรียมเขาให้รักษาเราเท่าชั่ว ตากระเห็นอยู่ตั๋วหาใส่ปากใส่ท้องเขานั้นกระบ่พอ รู้แล้วบ้อพวกย่าพ่อมีเขย อย่าสิทำเสยหลาย ช่วยเขาเบาสู้ หูตาเจ้าเหลียวดูเขาแน่ คันแทมขาดป่องละน้อย เที่ยวป้อยแต่เขา เป็นพ่อเฒ่าอย่าหัวคิดสูงหลาย จาแต่มูนมังขายให้ลูกเมียเขาง้อ ไผเด้อนอมาสิหวังกินขี่ตีนมือมีอยู่แม่นสิขายฮอดปู่ ฝูงลุงตาชาติเชื่อเขานั้นบ่จ่มหา ว่าแต่อ้าปากด่า สติเตือน จนสะเทือนลุงฝ่านเขยจนอ้าง สินสมสร้างกองกลางเขยแต่งกระแพงไว้แดกช่ำ บ่ยอมให้ฝ่ายเขย หาเว้าเย้ยว่าเขยบ่ทำงานมันเป็นโมฆะขาดศีลธรรมล้วน ชวนไปเข้าพระวันนาตักบาตร ปานเอาขี่พาดหน้าทยานเย็นแล่นหนี หาเที่ยวลี้อยู่ตามป่าขาดอนนอนอยู่ตามเถียงนา ศาสนาเลยไลปล่อย ไปหาเพียนความป้อยผีรนขั่วจี่ เป็นผู้เฒ่าแบบนี้ ให้ยอม้วนใส่ขุม

หมอลำกลอน (ฝ่ายชาย) : นายบัวดี คนเที่ยง อำเภอโพธิ์ไทร จังหวัดอุบลราชธานี

หมอลำกลอน (ฝ่ายหญิง) : นางบัวเลื่อน ยาหอม อำเภอโพธิ์ไทร จังหวัดอุบลราชธานี