ฟังลำกลอนเดินดง (หญิง) โดย หมอลำสมัย พันธ์โบ และหมอลำเดือนฉาย หล้าบุดดา

กลอนเดินดง

สาวหมอลำว่าสิเอาตนเข้าสูงเนินนี เนิ่นแลเห็นโคกใหญ่เยิ้นเดินข้ามป่าขามยามแล้งค้อยนางคอยดูสัตว์ป่า เบิ่งมันมายาดแย้งแทงก้นก่นกิน หลายบ่สิ้นฝูงหมู่หมองในเห็นคนไปกะโอนอเห่าวงกางช้งลงชมค้อยอีนางคอยยามค่ำ คำพระนางไต่เต็นชม เล่นป่าเบ็น เว้นจากนั้นเต็นไต่ตามเขา นกกาเว่าเว้าวอนหว่างดอนดงเป้า นางสิเอาตนเข้าหลังถูพูมพู่ เหลียวเห็นลมล่วงยู้วี วารีต้องใบตองดังเป่ง อี่นางลัดป่าเป็งเส็งเล่นผู่เดียว เหลียวไปหน้าเหลียวไปเหลี่ยวมาอี่นางน้องใจต่างเหลียวเห็นช้างฉีกไม้โตนตุ้มขื่นเค็ง ดังเป้ง ๆ ลมเล่งมันตี พั้วดอกเป้าแกมดอกอินทะว๋า กะดันงาลำดวนฮ่วนหอมโฮยเจ้า เชาแฮงเล่นเล่นหอมเย็นดอกปะดู่ พอปานถืกถิ่นชู้กางบ้านผ่านเดินขึ้นโคกเยิ้นเนินต่ำตำตอ พอประมาณเลยพักแว่เชาแคมน้ำ นวยนายก้านนาวตาลเกี้ยงอ่อนเดียระดาษกาบช้อนชอนไว้ป่งไปมีต้นไม้เป็นพุ่มดกหนา นกกะทามันจับหง่ากุ้งคอยบ้งหงลอยน้ำกะแสทองลอยล่องกะเวาฮ่ำฮ้องกางช้งส่งลางฟ้าฮ้องปางจ่างป่างควรถม มีแต่ลมพานพัดป่าเค็งดังเค้ง เล็งตาชิ่งเห็นลิงเต้นไต่กระโดดตำหง่าไม้ไปจ้อยบ่เห็น

หมอลำกลอน (ฝ่ายชาย): นายสมัย พันธ์โบ อำเภอเขมราฐ จังหวัดอุบลราชธานี

หมอลำกลอน (ฝ่ายหญิง): นางเดือนฉาย หล้าบุดดา อำเภอโพธิ์ไทร จังหวัดอุบลราชธานี