ฟังลำกลอนพระเจ้าออกบวช ตอน 1 (หญิง)โดย หมอลำสมัย พันธ์โบ และหมอลำเดือนฉาย หล้าบุดดา

กลอนยาว พระเจ้าออกบวชตอน 1

ในคืนนี้อัศจรรย์พระศรีธาตุประหลาดนอนบ่ได้ใจเต้นต่างหลัง จักเป็นหยังเฮานี้หือนอบ่เก่าพระทัยอุกอั่งเอ้าพระองค์เว้าอยู่ผู่เดียว เหลียวไปพุ้นเห็นพิมพาเจ้านอนอยู่หมู่สนมมากล้นป๋าก้นข่วงคี บ่มีดีสนมเอ้ยนอนหลับตาอ้าปาก ดากกะป๋าน้ำลายไหลยิ้งแค้วละเมอพ้อมหมู่สนมนมสองเต้าเขาบ่เอาเป็นตาหน่ายพระองค์ลุกย่างย้ายไปเว้าใส่ฉัน ๆ ตื่นขั้นถวายบาทบังคมพระบรมตื่นมายามเช้าเผยวาจีเว้าพาเฮาไปชมสวนแน่ เปิดพระแกตะวันใสส่องแล้วไปท้อนเจ้าอย่าลอ ฉันนบมือขึ้นจ้อก้อเตียมอาจอาชัน เสด็จไปไววาหนั่งลงชงม้าสาวถีตีม้าไว ๆ ลากรถแล่นเข้าสู่แดนอุทยานผ่านพ้นทางโค้งผ่าดง ตรงไปหน้าสวนหลวงบอนเคยนั่งหวังชิชมดอกไม้หือนอให้ส่วงใจหน่อย ผัดได้เห็นแก่หลังขดบอกนายฉันหยุดรถว่าแม่นหยังหื้อนี้ ฉันเลยชี้คนชราหนังเหี่ยวแค้วล่อนพร้อมคางนั้นส่ำผีเป็นจังชี้คนเกิดดนนอบ่ได้รอเร็วไวด่วนไปทางหน้าชาววาได้เห็นคนนอนว่าเจ็บปวด จักเป็นหยังบ่ฮู้นอนี้พี่ฉัน ฉันบอกให้คนป่วยบ่ทันตาย ไผคือกันบ่หนีไปได้ ไว ๆ ท้อนฉันเอยเป็นตาหน่ายบ่ทันใดรถแล่นย้ายตันหน้าหรือว่าคนตายแล้วแมงวันตอมอยู่โย ๆ โทมาเห็นกะด้อแนวนี้กะสางมี ฉันเลยชี้นี้ละคือตายคือกันหมดบ่หนีไปได้ไว ๆ ท้อนฉันเอ่ยรากรถแล่น เข้าสู่แดนลอดห่มไม้ไปหน้าแหม่นอีหยังสีเหลืองผ้าสัมฆาพาดบ่าพรายบาทพร้อมถือจ้องข่องงามถามฉันเอ้ยหือนอบอกน้องแน่ยกมือขึ้นแพ่แว้ถวายเจ้าเหล่าไปยังไปหน้าเด็ก ๆ มาผัดแห่งหม่วน ขอเชิญ ขอเชิญชวนพวกพี่น้องฟังแล้วให้หิ่นตรอง

หมอลำกลอน (ฝ่ายชาย): นายสมัย พันธ์โบ อำเภอเขมราฐ จังหวัดอุบลราชธานี

หมอลำกลอน (ฝ่ายหญิง): นางเดือนฉาย หล้าบุดดา อำเภอโพธิ์ไทร จังหวัดอุบลราชธานี