ฟังลำกลอนพุทธทำนาย (หญิง) โดย หมอลำสมัย พันธ์โบ และหมอลำเดือนฉาย หล้าบุดดา

ลำยาวกลอนพุทธทำนาย

ฟังเสียงฟ้าฮ่ำฮ้องเปิดป่องแจหนู คอยฟังดูเดอลุงโลกเฮาคาวหน้า ตกมาสองพันห้าศาสนาพระโคดม เผิ่นหากใกล้สิเขิ่งคอยเบิ่งเดอโลกสิเกิดเดือดร้อนคนสิข่อนจังปลา ตกมาสองพันห้าคำทำนายพระเจ้าว่าคนอยู่ใต้หลุมฟ้าใจสะล่างหว่างเว นับมื้อฝั่งสิเย้โลกใหม่เฮาสิหงวย เป็นนำปีเดือนข้อนสังขารบ่คือเก่า ส่วนว่าเข้าและน้ำฝนฝ้ากะต่างหลังเสียงฟ้าแตกปั้งๆ ขี้ฝ้าอั่งไหลทึบ มีแต่วาโยพัดหมู่ฝนบ่มาใกล้ ปีกายนั้นกะคือกันท่านส่าหน่อยพัดว่านั้นนี้ปีหน้ากะดั่งกัน ฮอดสิบ่ได้กล้าพุ้นตัวลางคนไผนาโนนแห่งสิตายเป็นฮ้าย ปีกายนั้นกะยังพอไครแน่ฮวงมะล้อนต้อนแต้นพอได้เกี่ยวกัน ปีขี้ฮ้ายใครแน่พอปานกาง ส่วนว่าปีมะโรงกะส่ำพอปานนี้ ตกมาปีมะเส็งนั้นบ่มีฝนพอได้แข่ง มีแต่ทางสิแห้งแล้งปีหน้าพัดแห่งจัง คนสิตายอึดเข้าเอาหารอดจาก คนสิจากถิ่นบ้านขอทานเผิ่นกิน ขอข้าวปั้นขันห่วมงายพระ นับมื้อเป็นไปละโลกเฮาคาวนี้ เผิ่นว่าโลกีข้อนสิจร หาเหยื่อเห็นบ่แล้วทางเนือดาวมันควรอูดเอ้าลางฮ้ายต่างส่วนปีกายนั้นเจ้าเห็นบ่ดาวควรจนว่าคนเขาจาส่ากันดังตึง ดาวควรนั้นทางเหนือหลายบ่อน โลกสิเกิดเดือดฮ้อนคาวหน้าต่อมา ตกมาสองพันห้าพระศรีอานสิลงโปรดศาสนานับมื้อจ้อลอเข้าสู่ปีใกล้สิเบิดโลกนี้สิปั่นป่วนกวนกันอันตรายภัยสังสิส่วนสนวนง่วง ปรองชาวเชื้อเวหาอากาศพระยานาคไล่ก้นจนเข้าว่าใส่กัน พ่อลุงเอย โอยะน่า

หมอลำกลอน (ฝ่ายชาย): นายสมัย พันธ์โบ อำเภอเขมราฐ จังหวัดอุบลราชธานี

หมอลำกลอน (ฝ่ายหญิง): นางเดือนฉาย หล้าบุดดา อำเภอโพธิ์ไทร จังหวัดอุบลราชธานี