ฟังลำกลอนล่องยาว 60 ปี ครองราชย์ โดย หมอลำสินสมุทร รัตนมูล และหมอลำลำใย พรมสำลี

กลอนลำล่องยาว 60 ปี ครองราชย์

องค์เอ้ยองค์เหนือเกล้าของไทยเฮาครองราชย์หกสิบปี องค์พระบาทเผิ่นดูแลไผฟ้าประชาราษฎร์ อยู่เย็นพระองค์เจ้าเจริญเด้ละนอ อันนี้ละคุณพ่อคุณแม่เอ้ยหกสิบปีล่วงล้ำพระองค์หล่ำแลเหลียว ให้คนไทยกลมเกลียวฮักหอมกันไว้น้ำพระทัยพระองค์ท่านปานทะเลกว้างใหญ่ ประชาชนชาวไทยได้เผิ่งบุญแจ่มเจ้าองค์เหง่ามิ่งเมืองขั่นมีเรื่องเดือดร้อนพระองค์ส่อยปรับทุกประชาชนมีสุขอยู่เย็นบ่มีฮ้อน ประชากรหลายล้นคนไทยแน่นอั่งพระองค์อยากให้ฝูงไผ่ฟ้าราชได้อยู่ดีให้มีกินมีใช้พอเพียงเลี้ยงชีพ ประชาชนทั่วทวีปสิอยู่เหนืออยู่ใต้หวังได้เผิ่งบุญคันเกิดมีเรื่องวุ้นด้วยบุญแห่งบารมีได้ยุติไปโดยดีด้วยพระบารมีท่าน แดนกันดาลเหนือใต้พระองค์ไปเจ้าทุกที่ด้วยยาบารมีของพระองค์แกล้าประชาราษฎร์ได้อยู่เย็น พระองค์เป็นดั่งต้นโพธิ์ใหญ่ใบหนามีแต่ความเมตตาแก่ประชาชนนั้นองค์ราชันเหนือข่าชาวประชาได้อบอุ่นผู้ข่าขอเทิดทูบยกใส่หัวใส่เกล้า พระองค์เจ้าจงเจริญขอเชิญพวกหมู่เจ้าให้ทำเพื่อนายหลวง ประชาชนทั้งปวงให้พากันทำดีเพื่อถวายพระองค์เจ้าอย่ามัวเมาทำชั่วอย่าทำตัวอวดว่าใหญ่อย่าเป็นคนจัญไรนำภัยเข้าสู่บ้านพระองค์ท่านเผิ่นห่วงเฮาขอเชิญพวกหมู่เจ้าทำตั้งแต่ความดีถวยองค์จักรีพร้อมทั้งองค์พระราชินีคู่ขวนพระท่าน อย่าพากันหาค้ามวลคันชายาฝิ่นเฮโลอินหมู่นั้นยาบ้าอย่าสิขายสิอยู่เหนืออยู่ใต้กะไทยดั่งเดียวกันอย่าทำลายสถาบันองค์พระมหากษัตริย์ให้เทิดทูนเอาไว้ ชื่อว่าไทย ไทยนี้ต้องทำดีให้โลกซ่า แต่โบราณนานมาเผิ่นรักษาประเทศไว้ไผสู้กะบ่กลัว แต่โบราณนานมาเผิ่นรักษา ประเทศไว้ไผสู้กะบ่กลัวองค์เหนือหัวของข่าโลกเขาส่าเขาลือพระองค์ถือทศพิธราชธรรมประจำไว้ไทยเป็นไทยแล้วอย่าทำตามประเทศอื่นอย่าย้านเข้าได้หลื่นแต่งโตแบบโป้ๆ โชว์ท้องแลพวกพ่อลุงแม่ป้าสมัยเก่าคาวโบราณบ่เอาไผเป็นอาจารย์แต่งตามไทยแท้อย่าทำตนเป็นคนแย่ในสังคมให้ควรฮ่ำทำความดีเข้าไว้ ถวายให้แก่พระองค์ความประสงค์พระองค์ท่านอยากให้ไทยนั้นได้กินอยู่อย่างพอเพียงให้ฮู้จักอดออมส่อยกันประหยัดใช้เป็นคนไทยอย่าลืมบ้านลืมวิญญานของปู่ย่าเผิ่นรักษาไทยมาเอาชีวิตเข้าสู้ศัตรูฆ่ากะบ่ถอย ประชาชนใหญ่น้อยให้ส่อยหล่ำแลเหลียวสามัคคีกลมเกลียวให้ฮักหอมกันไว้ น้ำพระทัยพระองค์ท่านเหนือหัวนั้นล้ำค่าหกสิบปีผ่านมาเผิ่นดูแลไผ่ฟ้า ประชาราษฎร์ให้อยู่เย็นพระองค์เป็นดั่งน้ำแสนวิเศษอันศักดิ์สิทธิ์มาชโลมชีวิตไผ่ประชาให้หายฮ้อน ขอวิงวอนชนเชื้อชาวไทยอันน้อยใหญ่ทำความดีเข้าไว้ถวายให้แก่พระองค์ขอจงทรงพระเจริญ

หมอลำกลอน (ฝ่ายชาย): นายสินสมุทร รัตนมูล อำเภอโพธิ์ไทร จังหวัดอุบลราชธานี

หมอลำกลอน (ฝ่ายหญิง): นางลำไย พรมสำลี อำเภอโพธิ์ไทร จังหวัดอุบลราชธานี