ฟังลำกลอนเกี้ยวเบ็ตเตล็ด โดย หมอลำใบ ไกยรัตน์ และหมอลำสำเภา พรมสวัสดิ์

กลอนลำเกี้ยวเบ็ดเตล็ด

ละแมนว่าเด้อนายคันมาเห็นหน้ายอดสง่าหวานตาพี่โหลดหันใจคากึ๊กก๊กกื้กก้าก นี้จั่งแหม่นพี่ยากยุ่ง ๆ หยอง ๆ เป็นอยู่ในเจ้าของวึด ๆหวื่อ ๆ เป็นโก้โด้กื่อดื่อผึ่งหวึ่งพึงวึง เส่นใด๋พาดึงเอนขาเอนแข่ง แก้มแป่งแช่งเจ้าผู่แข่งขาเหลาเจ้าผู้เลาคือช้างดังบางคือบ่าง พี่สิพาขี่ช้างเมื่อบ้านบ่อมักบ๊อ เจ้าข่อหล่อเจ้าผู้ข่อแขนแพนเจ้าผู้แอนเอิ๊กสูงหนุ่งผ่าแพรไหมรั่ว ผัวคือข่อยลองเอาเป็นหยังอุ่นลางเทือบุญคาดได้สิมีช้างแก่ไถ ขอเข้าใกล้เอาบ่าไหล่ชนชิดคือสิผิดใจแฮงเพราะมดแดงพวมก้อย เจ้าหลอบหล่อยเจ้าผูฝอยผมทองให้พี่ต้องตั้งแต่กลิ่นเฮาเด๋คำเอ้ย เจ้าผู้ผ้าพักสกิ้นกินได้ตั้งแต่อาย เจ้าน่วยน่ายเจ้าผุ้สูงบางผายเจ้าผู้ท้ายน่วมเหนี่ยมเจ้าผู่เนียมกลิ่นกุ้มบักตูมตันหน่วยตึง ข่อยพึ่งวึ่งคนบ่อผึ่งคือหนูแหม่นเสมียนหรือครูจั่งสิสมคนฮู้ คนขู่หลู่คือหมอทองท้ายเอนย้านบ่อได้เข้าเน้นเอ็นบ้อนตั้งแต่ตา สีหมากหว้าบ่อมีค่าพอพันสิไปนอนคอยชันอยู่เปิงนอนเทิ้ง เจ้าเดิ่งเหลิ่งหนองอี่เลิงยามหล่มเจ้าผู่ตมต่อนเต้บักทองตุ้ยตะฝังเซแข่นเอ้เล่ไผแนสินอนเปลบุญผลาพาเพเบิ่งเดบักทองสิมาเปชอนแป้นแขนชวนช่วงไล่ไถบ่อนโนนป่าหญ้านาน้อยบ่ายักยาง เจ้าต่างหล่างหางตาคมขุ่น เจ้าผู้บุญมากล้นโน้นตั่งสิสูง ขอเขามุ่งนอนฮ่วมนำเด คือสิหักนอเปลบัดเด่มือไปต้อง เจ้าต่องหล่องเขียงกระบองตึ้งหลึ่ง เดือนหกฟ้าฮ้องตึ้งพุทโธน่อต่อ กระบอง เสียงตีน้องปานแมวควดขี่เถ่า เห็นหมอทองมัดเจ้าตาซ้ายหม่ายหนี จุกกี่ขี่มันดำกว่าหมอแคนมันยังบินบนสูงแซวดังพระนางใด้ ตาหวานใกล้บ่อพอใกลกันดอกพี่กระตาน้ำอ้อยหวานจ้อยดั่งเดียว หมากบ่อเคี้ยวยาบ่อสุบเด้อนางได้เป็นผัวสำอางหง่ายเดทางเลี้ยง เปียงแต่กินกับสี่สองอันนั้นตั่ว เจ้าผูไม่พาดฮัวระวังหน้าเดี่ยงหลังเจ้ามั่งคั่งอย่าได้หลับชังตี้แล้วแมวหม่าว พี่สิฮื้อกล้วยง้าวมาต้มสู่กิน สีนานวลคนอ้วนขาใหญ่ส่งในบ้าน

หมอลำกลอน (ฝ่ายชาย) : นายใบ ไกยรัตน์ อำเภอลืออำนาจ จังหวัดอำนาจเจริญ

หมอลำกลอน (ฝ่ายหญิง) : นางสำเภา พรมสวัสดิ์ อำเภอลืออำนาจ จังหวัดอำนาจเจริญ