ฟังลำเดินกลอนช้างเทียมแม่ โดย หมอลำใบ ไกยรัตน์ และหมอลำสำเภา พรมสวัสดิ์

กลอนช้างเทียมแม่

ละแมนว่าเด้อนาย เดิ๋ก ๆ ข่อนลมมาสีวอน ๆ สิลำช้างเทียมแม่ แปรเข่าไปใกล้ ๆ คือม้าไล่กลวง คือกระปอมเทียมบ้อง ลอดบวงโตนคอน หัวเทียมหมอนป่าดอนเทียมด้าว คือสยัวกับข่าวเทียมฮ้าวไมแก่น หวี่กับแหว่นเป็นก๋กแนนแต่เค้าเทียมหน้าสองแงง คือน้ำมันกับแป้งเทียมคูจันหอม อู๋เทียมออม ดอกพะยอมเทียมต้น บักโปงลางดังโหย่นเทียมคอบักตู้ด่อน เสียงดังวอนโหน่งเหน่งลมต้องส่องนาง ขอเทียมช้างบ่อได้หางกับหัว ผัวกับเมียหน่ำกันอยู่ในมุ่ง บ่อทันโดนเลยปุ้งผีกางอ้างล่าง ขุนสโรลูกช้างเทียมข่างบ่อวาง ลำจังหวะวาดช้างเทียมแมแปกันเสียงชั้น ๆ เนิน ๆ เติ่นเลยลงทุ่ม คือนกกุมมันฮ้องในฮังดังหม่วนเบิ่งมันหน่วนบาดทุ่มกุมทึงหนึ่งสอง กองกับฆ้องบ่ได้ห่างพอแขน นิ้วกับแหวนแว่นเทียมสาวเอ้หวีเปหวีป้าย กายมาแล้วกะส่องปากกะฮ้านให้น้องทั้งหน้าส่องเงา พ่อแม่เว้าฟึดฟาดโตนซาน จารมาขอบอกให้รอปีหน้าว่าบักเขือหำม้าของโตบ่อทันตึง หน่อยสุกก่อนหนึ่งเลยบ่อได้คาแอว แก้วต่างแก้ว ๆ ต่างกับมีไปหลายแหงคันช้างเทียมแม่บ่อคือช้างสีกไม้เขาใช้แก่ซุง ต๋กบ๋ทหยุ่ง ยุ่งอย่างทางตายลูกกะบายพวงนมแม่ดึงกะโนนก้น ย้านบ่อทนสาแล้วขุนชะโรแม่ลูกอ่อน ตอนนี้ลำวาดช้างเทียมข่างบ่อถอย

หมอลำกลอน (ฝ่ายชาย) : นายใบ ไกยรัตน์ อำเภอลืออำนาจ จังหวัดอำนาจเจริญ

หมอลำกลอน (ฝ่ายหญิง) : นางสำเภา พรมสวัสดิ์ อำเภอลืออำนาจ จังหวัดอำนาจเจริญ