ฟังลำกลอนลมพัดไผ่ โดย หมอลำใบ ไกยรัตน์ และหมอลำสำเภา พรมสวัสดิ์

ลำกลอนลมพัดไผ่

ละแมนวาเด้อนายการลำนี่มีไปหลายวาด บ่ออาจนับอ่านได้หลายลันเกือนกอง จังหวะลมพัดต้องใบไผ่นวยนาย เฮ็ดกายสีเอนเอียงเบี่ยงแขนแทนฟ้อน ตอนลมต้องใบตองเปื้องปั่น กกชัน ๆ อ่วยเนิงกวบย้อนอ่อนลง โค้งแล้วโค้งต้นโก่งกกเอียงกกเฉลียงลมตีแก่งวีทีท่วย ก๋กกะกวยแกมก้านลมพานปีนไป่เขาเอิ้นลมพัดไผ่มีบาดไวบาดโหย่นเสียงเนิ่งใส่แคนเฮ็ดแอวสีอ้อนแอ้นฟ้อนแอ่นนำลำ ใบถลำลมพัดไผ่ขีตีย้อนคือลครเขาเล่นเอนเอียงดุ๋บเดี่ยง เหงียงข่างขวาข่างซ้าย ใบเปื้องปั่นปิว ลมชิ่ว ๆ ปีใหม่เดือนสิบสอง นกเขาทองขันฮวยฮ่วมคอนเคียงคู่ เสียงมันคูขันท่าอยู่หัวนาบินกายสีนวยนายไม่ไผ่บ้านลมต้องเลาะดอน ว่าแล้วฟ้อนโต่งเตงโวงเวงเดินมะโลงโตงเตงแอ่นนำผามฮ้าน เขาว่าลมพานต้องใบตองว่องแว่ง สีวองแวงแอ๊คท่ากวยย่อนฮ่อนนำ ฟ้าฮ้องต้ำเอิ้นสังหัวมันนกเขาขันลาคอนเมื่อแลงยามแล้งพอตะวันลงค่อยเมือแลงแสงอ่อน ลมพัดปลายไผ่บานกวยย้อนอ่อนนวย ลมพัดย้วยกวยอ่อนยามแลง บิดตะแคงนวย หมอลำใหญ่จั่งข่อยจั่งโอ๋โอ้ใส่เป็น ตกบทเต้นจิ่งจั๊บขยับกลอน แล้วจั่งสองมือชอนใส่บักนาวสองกำ คำลงไปทั้งใต้โหลดเป็นอายฮ้อนหวู่ อยู่ใส่บ่อนค่ำม่ำพอปานช้างตืนบ๋า ถกขากอบหง่วงหง่างมือชาวไหว่ ๆ เหลียวเห็นไก่ว่าแหมนไกล้ เห็นช้างว่าหมู ลำหยอกชู้เกี้ยวอ่อยออยสาว คราวลำดีจั่งมีคืออ้าย หมายมาสู้ลองดูกันเบิง ไผสิเลิกเชิ่งแท้ไปได้ท่อได๋

หมอลำกลอน (ฝ่ายชาย) : นายใบ ไกยรัตน์ อำเภอลืออำนาจ จังหวัดอำนาจเจริญ

หมอลำกลอน (ฝ่ายหญิง) : นางสำเภา พรมสวัสดิ์ อำเภอลืออำนาจ จังหวัดอำนาจเจริญ