ชื่อว่าคนเฮานี้ ศักดิ์ศรีเป็นที่หนึ่ง ไผบ่มีอย่างนี้ เป็นแหล่งอย่างเดียว ท่านเอย บรรพบุรุษเฮานี้ มีหลายแนวให้สืบ จำถ่อน “ขอให้มวลลูกเต้า จงคิดถี่ตรองถนัด เกิดเป็นคนอย่าคือควาย ให้เขาผูกดังจูงได้ ภูมิใจถ่อนลูกอีสานทุกท่าน อย่าเป็นคนขี้ย้าน ให้หาญกล้าเพิ่งจะของ นั่นเด้อ ปู่นี้อยากเห็นเด้ อยากเห็นลูกอีสานเป็นมือหนึ่ง นำฝูงชนนำการงานสู่ชมพูพื้น ศีลธรรมพร้อมคุณธรรมอย่าให้ขาด ให้ปราบผู้ชั่วร้าย ให้ชูขึ้นแต่ผู้ดี หลานเอ้ย คิดเบิ่งเด้อพี่น้อง ผู้เกิดใหม่ลุนหลัง แม่นหยังเฮาสืบแทน ปู่ตายายเฮาได้ อย่าว่าแต่ให้หาวิชาญ จารใส่ลานคือท่าน เพียงแต่ให้รักษาไว้ กะบ่เป็นหน่ายเด กาละนับมื้อส่วย คนสวยคนหล่อหายาก มีแต่ผู้บ่าวผู้สาวขี้ฮ้าย เต็มบ้านห่าบ่กิน ไคแน่ แต่ผู้อ่านหนังสือ “วอนน้องต่าวอีสาน” นี้หล่ะมีแต่ผู้งาม ๆ หล่อ ๆ อ่านต่อ…
สวิง บุญเจิม. (ม.ป.ป.). กาละนับมื้อส่วย. อุบลราชธานี : มรดกอีสาน.